ആലപ്പുഴ: ചേർത്തല റെയില്വേ സ്റ്റേഷന് സമീപത്ത് നിന്നു അസ്ഥികൂടം കണ്ടെത്തി. പുരുഷന്റേത് എന്നു സംശയിക്കുന്ന അസ്ഥികൂടത്തിന്റെ തലയോട്ടി വേർപ്പെട്ട നിലയിലാണ്.സ്റ്റേഷന് തെക്കുഭാഗത്ത് കാടുമൂടി കിടക്കുന്ന റെയില്വേ ഭൂമിയിലാണ് അസ്ഥികൂടം കണ്ടത്. ലോറി ഡ്രൈവാണ് വിവരം പൊലീസിനെ അറിയിച്ചത്.മുണ്ടും ഷർട്ടും ചെരിപ്പും അസ്ഥികൂടത്തില് നിന്ന് വേർപ്പെട്ടിട്ടില്ല. ഇതാണ് പുരുഷന്റെതാണെന്ന് സംശയിക്കാൻ കാരണം. മൃതദേഹാവശിഷ്ടങ്ങള് ശാസ്ത്രീയ പരിശോധനയ്ക്ക് അയച്ചു. ചേർത്തലയുടെ സമീപ പ്രദേശങ്ങളില് നിന്ന് ഒരു വർഷത്തിനിടെ കാണാതായ പുരുഷൻമാരുടെ വിവരങ്ങള് ശേഖരിക്കും. സംഭവത്തില് ചേർത്തല പൊലീസ് അന്വേഷണം ആരംഭിച്ചു.
