ന്യൂഡല്ഹി: കാണാതായ ഡല്ഹി സര്വകലാശാല വിദ്യാര്ഥിനിയുടെ മൃതദേഹം യമുനാ നദിയില് കണ്ടെത്തി. ത്രിപുര സ്വദേശിയായ 19-കാരി സ്നേഹ ദേബ്നാഥിന്റെ മൃതദേഹമാണ് ആറ് ദിവസങ്ങള്ക്ക് ശേഷം ഞായറാഴ്ച വൈകീട്ട് കണ്ടെത്തിയത്.ബന്ധുക്കള് മൃതദേഹം തിരിച്ചറിഞ്ഞു. ജൂലൈ ഏഴിന് കാണാതായ സ്നേഹയ്ക്ക് വേണ്ടിയുള്ള തെരച്ചില് പുരോഗമിക്കെയാണ് വടക്കന് ഡല്ഹിയിലെ ഗീത കോളനി ഫ്ളൈഓവര് ഭാഗത്ത് യമുനാ നദിയില് ഒഴുകി നടക്കുന്ന നിലയില് മൃതദേഹം കണ്ടെത്തിയത് njan എന്ന് ഡല്ഹി പൊലീസ് അറിയിച്ചു.സ്നേഹ ജീവനൊടുക്കിയതാണ് എന്നാണ് പ്രാഥമിക നിഗമനം. സ്നേഹയെ കാണാനില്ലെന്ന ബന്ധുക്കളുടെ പരാതിയില് നടത്തിയ അന്വേഷണത്തില് സ്നേഹയുടെ കൈയക്ഷരത്തിലുള്ള ഒരു കുറിപ്പ് ലഭിച്ചതാണ് ഈ സൂചനകള് നല്കുന്നത്.
