ചെന്നൈ: കോയമ്പത്തൂരില്‍ വയോധികനെ കാട്ടാന ചവിട്ടിക്കൊന്നു. തുടിയലൂർ സ്വദേശി കെ.നടരാജൻ (69) ആണ്‌ മരിച്ചത്. രാവിലെ നടക്കാൻ ഇറങ്ങിയപ്പോള്‍ അപ്രതീക്ഷിതമായി ആന ആക്രമിക്കുകയായിരുന്നു.സംഭവസ്ഥലത്തു തന്നെ നടരാജൻ മരിച്ചു. മൃതദേഹവുമായി തുടിയലൂർ -തടാകം റോഡ്‌ ഉപരോധിച്ച്‌ നാട്ടുകാർ പ്രതിഷേധിച്ചു. കാട്ടാനയെ തുരത്താൻ നടപടി ഉണ്ടാകുമെന്ന് ജില്ലാ ഭരണകൂടം ഉറപ്പ് നല്‍കിയത്തോടെയാണ് പ്രതിഷേധം അവസാനിപ്പിച്ചത്. മൃതദേഹം കോയമ്ബത്തൂർ സർക്കാർ ജനറല്‍ ആശുപത്രിയിലെ മോർച്ചറിയില്‍ സൂക്ഷിച്ചിരിക്കുകയാണ്.
