ആളൊഴിഞ്ഞ സ്ഥലത്ത് കുഴിച്ചിട്ട നിലയില്‍ അഞ്ച് വടിവാളുകള്‍ കണ്ടെത്തി

മലപ്പുറം: ആളൊഴിഞ്ഞ സ്ഥലത്ത് കുഴിച്ചിട്ട നിലയില്‍ അഞ്ച് വടിവാളുകള്‍ കണ്ടെത്തി. മലപ്പുറം മമ്പാട് കാട്ടുപൊയിലില്‍ നിന്നാണ് ഇവ കണ്ടെടുത്തത്.പിവിസി പൈപ്പില്‍ ഒളിപ്പിച്ച നിലയിലായിരുന്നു വാളുകള്‍.ആളൊഴിഞ്ഞ പറമ്പില്‍ കളിക്കാൻ മൈതാനം ഉണ്ടാക്കുന്നതിനായി കുട്ടികള്‍ തൂമ്പ കൊണ്ട് കിളച്ചപ്പോള്‍ പിവിസി പൈപ്പില്‍ തട്ടുകയായിരുന്നു. പിന്നാലെ പൈപ്പ് പുറത്തെടുത്ത് തുറന്നുനോക്കിയപ്പോഴാണ് വടിവാളുകള്‍ കണ്ടെടുത്തത്. തുടർന്ന് പൊലീസിനെ വിവരം അറിയിക്കുകയായിരുന്നു.തുരുമ്പെടുത്ത നിലയിലായിരുന്നു വാളുകള്‍. നാല് വർഷമെങ്കിലും പഴക്കമുണ്ടെന്ന് പൊലീസ് പറയുന്നു. 58 സെന്റിമീറ്റർവരെയായിരുന്നു നീളം. വാളുകള്‍ എല്ലാം മുൻപ് ഉപയോഗിച്ചവയാണെന്നാണ് പൊലീസിന്റെ നിഗമനം. പൊലീസ് വാളുകള്‍ കസ്റ്റ‌ഡിയിലെടുത്തു. നിലമ്പൂർ പൊലീസ് സംഭവത്തില്‍ കേസ് രജിസ്റ്റർ ചെയ്ത് അന്വേഷണം ആരംഭിച്ചു.

You May Also Like

About the Author: Jaya Kesari

Leave a Reply

Your email address will not be published. Required fields are marked *