പൊന്നാനി: പൊന്നാനിയില്‍ ലഹരി ഉപയോഗം ചോദ്യം ചെയ്തതില്‍ മുൻ കൗണ്‍സിലർക്ക് മർദനമേറ്റ സംഭവത്തില്‍ രണ്ടുപേർ അറസ്റ്റില്‍.കോട്ടത്തറ കളരി പറമ്പില്‍ ഹൃത്വിക് (23), സുഹൃത്തും കോട്ടത്തറ മംഗലത്ത് വിഷ്ണു (32) എന്നിവരെയാണ് പൊന്നാനി പൊലീസ് അറസ്റ്റ് ചെയ്തത്.തേവർ ക്ഷേത്രത്തിന് പടിഞ്ഞാറ് ഭാഗത്ത് പുതുവർഷ ആഘോഷ ഭാഗമായി വീടിനുസമീപത്ത് രാത്രിയില്‍ ലഹരി ഉപയോഗിച്ച്‌ ബഹളംവെച്ചതിനെ പരിസരവാസികള്‍ ചോദ്യം ചെയ്തതിനെത്തുടർന്ന് സഹോദരനെ ആക്രമിക്കുന്നത് തടയാൻ ശ്രമിച്ച മുൻ വാർഡ് കൗണ്‍സിലർ കൂടിയായ കളരിപറമ്പില്‍ ശ്യാമളയെയും കുടുംബത്തെയും വീട്ടില്‍കയറി ആക്രമിച്ച്‌ പരിക്കേല്‍പ്പിച്ച സംഭവത്തിലാണ് അറസ്റ്റ്.
