വ്യാജ അക്യുപങ്ചറിസ്റ്റും മന്ത്രവാദ ചികിത്സകനുമായ ഭർത്താവ് വീട്ടിൽ പ്രസവം നടത്തി ചികിത്സ നിഷേധിച്ചതിനെ തുടർന്ന് യുവതി മരണമടഞ്ഞ സംഭവത്തിൽ ഇനിഗ്മ (INYGMA – Indian Naturopathy and Yoga Graduates Medical Association) അനുശോചനവും കടുത്ത പ്രതിഷേധവും രേഖപ്പെടുത്തി . അംഗീകൃത മെഡിക്കൽ ബിരുദവും രജിസ്‌ട്രേഷനും ഉള്ള നാച്ചുറോപ്പതി യോഗ – BNYS ഡോക്ടർമാരുടെ- സംഘടനയാണ് ഇനിഗ്മ .
കഴിഞ്ഞ വർഷം തിരുവനന്തപുരത്ത് സമാനമായ സാഹചര്യത്തിൽ ഒരു അമ്മയും കുഞ്ഞും കൊല്ലപ്പെട്ടിരുന്നു . അന്നും ഇനിഗ്മ പത്രസമ്മേളനം നടത്തി നിലപാട് വ്യക്തമാക്കിയതാണ്. ഇനിഗ്മ മുന്നോട്ട് വെച്ച ആവശ്യങ്ങൾ നടപ്പാക്കിയിരുന്നുവെങ്കിൽ ഇപ്പോളത്തെ മരണം ഒഴിവാക്കാമായിരുന്നു.ഇങ്ങനെയുള്ള സംഭവങ്ങൾ ആവർത്തിക്കുന്നത്തിൻ്റെ വെളിച്ചത്തിൽ പൊതുജന ആരോഗ്യത്തെ പ്രതികൂലമായി ബാധിക്കുന്നതും, നമ്മുടെ രാജ്യത്തെ നിയമ വ്യവസ്ഥിതിയെ ചോദ്യം ചെയ്യുന്നതും , അന്ധവിശ്വാസത്തെയും വ്യാജ ചികിത്സകളെയും പ്രോത്സാഹിപ്പിക്കുന്നതുമായ നീക്കങ്ങൾ നടത്തുന്നവരെ തിരിച്ചറിഞ്ഞ് ഉചിതമായ നടപടികൾ സർക്കാരും പൊതുസമൂഹവും സ്വീകരിക്കേണ്ടതുണ്ട് .
ഇന്ന് കേരളത്തിൽ കൂണ് പോലെ അക്യൂപന്ക്ച്ചർ ക്ലിനിക്കുകളും പരിശീലന കേന്ദ്രങ്ങളും മുളച്ചു പൊന്തുന്നത് ഇനിഗ്മയുടെ ശ്രദ്ധയിൽ പെട്ടിട്ടുണ്ട് . ഈ സ്ഥാപനങ്ങൾ നടത്തുന്ന ഭൂരിഭാഗം ആളുകൾക്കും അടിസ്ഥാനപരമായ വൈദ്യ വിജ്ഞാനമോ വേണ്ട വിദ്യാഭ്യാസ യോഗ്യതയോ , സർക്കാർ, UGC , university അംഗീകാരമോ ഇല്ല എന്നതാണ് യാഥാർഥ്യം . മെഡിക്കൽ കൗൺസിൽ ബ്ലാക്‌ലിസ്റ്റ് ചെയ്ത വ്യാജ ചികിത്സകർ പോലും സംസ്ഥാനത്ത് തട്ടിപ്പ് ചികിത്സകളുമായി വിലസുന്ന കാഴ്ച വലിയ ഭീതിയുളവാക്കുന്ന താണ് . തിരുവനന്തപുരത്ത്
നിലവിൽ നമ്മുടെ രാജ്യത്ത് ഒരു മെഡിക്കൽ കോഴ്സിന്റെ ഭാഗമായി അക്യൂപന്ക്ച്ചർ പഠിക്കുന്നത് അംഗീകൃത യൂണിവേഴ്സിറ്റി ബിരുദവും central, state, Kerala Medical Council രജിസ്‌ട്രേഷനും ഉള്ള നാച്ചുറോപ്പതി യോഗ ഡോക്ടർമാർ മാത്രമാണ് . Bachelor of Naturopathy and Yogic Sciences ((BNYS ) എന്ന അഞ്ചര (5.5 yrs )വർഷത്തെ മെഡിക്കൽ ഡിഗ്രിയാണ് നാച്ചുറോപ്പതി യോഗ ഡോക്ടറാകാൻ വേണ്ട അടിസ്ഥാന യോഗ്യത .
MBBS , BAMS, BSMS , BUMS പോലെ കേന്ദ്ര, സംസ്ഥാന സർക്കാർ അനുമതിയോടെ UGC അംഗീകരിച്ച ആരോഗ്യ സർവ്വകലാശാലകൾ നടത്തുന്ന Naturopathy and yoga Medical course ആണ് BNYS
മറ്റ് Medical Courses പോലെ എല്ലാ മെഡിക്കൽ വിഷയങ്ങൾക്കും ഒപ്പം നാച്യുറോപ്പതിയും യോഗയും അക്യൂപന്ക്ച്ചറും BNYS ഇന്റെ സിലബസിൽ ഉൾപ്പെടുത്തിയിട്ടുണ്ട് .അഞ്ച് വർഷത്തോളം നീളുന്ന തിയറി പഠനം കൂടാതെ ഇന്റേൺഷിപ് സമയത്തു പ്രാക്ടിക്കൽ ട്രെയിനിങ്ങും BNYS വിദ്യാർത്ഥികൾ അക്യൂപന്കച്ചറിൽ നേടുന്നുണ്ട്.
വിവിധ ഘട്ടങ്ങളിൽ കേന്ദ്ര സംസ്ഥാന സർക്കാറുകൾ acupuncture ഒരു സ്വതന്ത്ര ചികിത്സ അല്ലന്നും , BNYS , മെഡിക്കൽ ബിരുദധാരികൾക്ക് മാത്രമേ അക്യൂപന്ക്ച്ചർ ചികിത്സ നടത്താൻ അനുമതിയുള്ളൂ എന്ന് ഉത്തരവുകൾ പുറപ്പെടുവിപ്പിക്കുക ഉണ്ടായി. മദ്രാസ് ഹൈക്കോടതി വിധിക്കുകയുമുണ്ടായി .(വിവിധ ഉത്തരവുകളുടെയും മദ്രാസ് ഹൈക്കോടതി വിധിയുടെ പകർപ്പും ഈ വാർത്താ കുറിപ്പൊനൊപ്പം ഷെയർ ചെയ്യുന്നു .
മാധ്യമങ്ങൾ പോലും ഈ നിയമങ്ങൾ പാലിക്കാത്ത വ്യാജ വൈദ്യന്മാരുടെ കെണിയിൽ പെടുന്ന കാഴ്ചയാണ് കഴിഞ്ഞ ദിവസങ്ങളിൽ കണ്ടത് . അംഗീകൃത യോഗ്യതയോ രെജിസ്ട്രേഷനോ ഇല്ലാത്ത ചിലരാണ് അക്യൂപന്കച്ചറിന്റെ വ്യക്താക്കൾ ആയി ചാനൽ ചർച്ചകളിൽ വന്നത് . അതിനാൽ തന്നെ അക്യൂപന്ക്ച്ചർ , നാച്ചുറോപ്പതി , യോഗ തുടങ്ങിയ വിഷയങ്ങൾ ചർച്ച ചെയ്യുമ്പോൾ BNYS ഡോക്ടർമാരെ പാനലിൽ ഉൾപ്പെടുത്തണം എന്നും ഇനിഗ്മ ആവശ്യപ്പെട്ടു .
വേണ്ടത്ര പരിശീലനവും ശരീരശാസ്ത്രത്തെ കുറിച്ച് പരിചയവും ഇല്ലാത്തവർ അക്യൂപന്ക്ച്ചർ ചികിത്സ നടത്തുന്നത് ഗുരുതരമായ ആരോഗ്യ പ്രശ്നങ്ങൾ ഉണ്ടാക്കുന്നതാണ് . ശരീരത്തിലെ പ്രത്യേക പോയിന്റുകളിൽ സൂചി വെച്ച് ചെയ്യുന്ന ഈ ചികിത്സക്ക് നല്ല വൈദഗ്ധ്യം ആവശ്യമാണ് . അതിനാൽ തന്നെ അക്യൂപന്ക്ച്ചർ നിയമപരമായി പ്രാക്ടീസ് ചെയ്യാൻ ഉള്ള അടിസ്ഥാന യോഗ്യത ഇല്ലാത്തവർക്കെതിരെ നിയമ – ശിക്ഷാ നടപടികൾ എടുക്കണം എന്ന് ഇനിഗ്മ എക്സിക്യൂട്ടീവ് യോഗം ആരോഗ്യവകുപ്പിനോടും സർക്കാറിനോടും ആവശ്യപ്പെട്ടു.
അതോടൊപ്പം അക്യൂപഞ്ചറിന്റെ വ്യാജ പ്രാക്ടീസീനും അനധികൃത ട്രെയിനിങ് സ്ഥാപനങ്ങൾക്കും തടയിടാൻ അടിയന്തിര മാർഗരേഖകൾ നിർമിക്കാൻ സർക്കാർ തയ്യാറാകണം എന്നും ഇനിഗ്മ സംസ്ഥാന പ്രസിഡന്റ് ഡോ ദിനേശ് കർത്താ, ജനറൽ സെക്രട്ടറി ഡോ ആൻസ്‌മോൾ വർഗീസ് എന്നിവർ പത്രപ്രസ്താവനയിലൂടെ ആവശ്യപ്പെട്ടു .
വിശ്വസ്തതയോടെ ,
ഡോ ദിനേശ് കർത്താ
(പ്രസിഡന്റ് )
Mob: 8157839655
ഡോ ആൻസ്‌മോൾ വർഗീസ്
(ജനറൽ സെക്രട്ടറി )
Mob: 9497810448
