തിരുവനന്തപുരത്ത് വർക്കലയില്‍ വീടിനുള്ളില്‍ പത്ത് ദിവസം പഴക്കമുള്ള മൃതശരീരം കണ്ടെത്തി. വർക്കല പാലച്ചിറ ദളവാപുരത്തിന് സമീപത്ത് ആള്‍താമസം ഇല്ലാത്ത വീട്ടിലാണ് പത്ത് ദിവസം പഴക്കമുള്ള മൃതശരീരം കണ്ടെത്തിയത്.ദുർഗന്ധം പടരുന്നതിനെ തുടർന്ന് പരിസരവാസികള്‍ അന്വേഷിച്ചപ്പോഴാണ് വീടിന്റെ വരാന്തയില്‍ പുഴുവരിച്ച നിലയില്‍ മൃതദേഹം കണ്ടെത്തിയത്. ഇതേ തുടർന്ന് പരിസരവാസികള്‍ വർക്കല പൊലീസിനെ വിവരം അറിയിക്കുകയായിരുന്നു.
പൊലീസ് സ്ഥലത്തെത്തി അന്വേഷിച്ചപ്പോഴാണ് വർക്കല മൈതാനം ഹോമിയോ ആശുപത്രിക്ക് സമീപത്ത് താമസിച്ചുവന്നിരുന്ന വിജയൻ 60 പൊലീസ് കണ്ടെത്തിയത്. ഇയാള്‍ കുടുംബവുമായി അകന്നു കഴിയുകയായിരുന്നു. ക്യാൻസർ രോഗം ബാധിതനായ വിജയൻ ദളവാപുരം പാലച്ചിറ പരിസരങ്ങളില്‍ കൂലിവേല ചെയ്ത് ആള്‍ താമസമില്ലാത്ത വീടിന്റെ വരാന്തയില്‍ ആയിരുന്നു അന്തി ഉറങ്ങിയിരുന്നത എന്ന് പരിസരവാസികള്‍ പറയുന്നു.
