കോട്ടയം : വൈക്കത്ത് കാറും ബൈക്കും കൂട്ടിയിടിച്ച്‌ രണ്ട് യുവാക്കള്‍ക്ക് ദാരുണാന്ത്യം. ബൈക്ക് യാത്രക്കാരായ കുടവെച്ചൂർ സ്വദേശി നിധീഷ് (35), പൂച്ചാക്കല്‍ സ്വദേശി അക്ഷയ് (19) എന്നിവരാണ് മരിച്ചത്.വൈക്കം തോട്ടകത്ത് ഇന്നലെ രാത്രി പത്തരയോടെയായിരുന്നു അപകടം.
വെച്ചൂർ ഭാഗത്തേക്ക് പോവുകയായിരുന്ന എറണാകുളം സ്വദേശിയുടെ കാറാണ് ബൈക്കില്‍ ഇടിച്ചത്. മൂന്നുപേരാണ് ബൈക്കില്‍ ഉണ്ടായിരുന്നത്. ബൈക്കില്‍ ഉണ്ടായിരുന്ന തോട്ടകം സ്വദേശി ആദിദേവിനെ പരിക്കുകളോടെ ആശുപത്രിയില്‍ പ്രവേശിപ്പിച്ചിരിക്കുകയാണ്.
