കായംകുളം: വാര്‍ത്താവതരണത്തിന് ശേഷം ദേവികുളങ്ങരയിലുള്ള വീട്ടിലേക്ക് സ്‌കൂട്ടറില്‍ മടങ്ങുകയായിരുന്ന സി ഡി നെറ്റ് വാര്‍ത്താവതാരക മേഘാ രഞ്ജിത്തിനെ ബൈക്കിലെത്തിയ യുവാവ് ആക്രമിക്കാന്‍ ശ്രമിച്ചു.മുട്ടേല്‍പാലത്തിന് പടിഞ്ഞാറ് രാത്രി 8.45 ഓടെയാണ് സംഭവം. പെട്രോള്‍ തീര്‍ന്നുവെന്നും സഹായിക്കണമെന്നും പറഞ്ഞ് മേഘയെ തടഞ്ഞു നിര്‍ത്തുകയായിരുന്നു യുവാവ്. ഭയന്ന് സ്‌കൂട്ടര്‍ മുന്നോട്ട് എടുത്ത മേഘയെ പിന്‍തുടര്‍ന്ന് ആക്രമിക്കാന്‍ ശ്രമിക്കുകയായിരുന്നു.സ്‌കൂട്ടര്‍ ചരിഞ്ഞ് കാലിന് പരിക്കേറ്റ മേഘ കായംകുളം താലൂക്ക് ആശുപത്രിയില്‍ ചികിത്സ തേടി. സംഭവത്തില്‍ കായംകുളം പൊലീസ് അന്വേഷണം ആരംഭിച്ചു.
