റാന്നി: പുനലൂര്‍ – മൂവാറ്റുപുഴ സംസ്ഥാനപാതയില്‍ വാഹനാപകടത്തില്‍ രണ്ടു യുവാക്കള്‍ മരിച്ചു. റാന്നി പോലീസ് സ്റ്റേഷനിലെ എഎസ്‌ഐ അങ്ങാടി മണ്ണാറത്തറ മരോട്ടിപതാലില്‍ യദുകൃഷ്ണന്‍ (18), അങ്ങാടി മണ്ണാറത്തറ മാലിപ്പുറം സിജോ വര്‍ഗീസ് (18) എന്നിവരാണ് മരിച്ചത്.ആറുപേരാണ് വാഹനത്തിലുണ്ടായിരുന്നത്. രണ്ടുപേര്‍ക്ക് ഗുരുതരമായി പരിക്കേറ്റു. കോന്നി ആനത്താവളത്തിലേക്കു പോകുകയായിരുന്ന സുഹൃത്തുക്കള്‍ സഞ്ചരിച്ച സ്‌കോര്‍പിയോ വാനാണ് അപകടത്തില്‍പെട്ടത്. ഉതിമൂട് ജംഗ്ഷന്‍ കഴിഞ്ഞുള്ള ചെറിയ വളവില്‍ സ്‌കോര്‍പിയോ വാനിന്റെ ടയര്‍ പൊട്ടി നിയന്ത്രണം വിട്ട് റോഡരികിലെ ഇടിതാങ്ങിയും തകര്‍ത്താണ് നിന്നത്. മരിച്ച യദുകൃഷ്ണനും സിജോയും വാനിന്റെ ചില്ല് തകര്‍ത്ത് തോടിനു മറുകരയില്‍ വീണിരുന്നു. പരിക്കേറ്റവരെ ആശുപത്രിയിലേക്കു നീക്കിയശേഷമാണ് ഇവരെ കണ്ടത്.
