ശ്രീനഗര്‍: ജമ്മു കാശ്മീരിലെ ഉദംപൂരില്‍ നിര്‍ത്തിയിട്ടിരുന്ന ബസില്‍ സ്‌ഫോടനം. സ്റ്റാന്‍ഡില്‍ നിര്‍ത്തിയിട്ടിരുന്ന ബസില്‍ ഇന്ന് പുലര്‍ച്ചെയാണ് ആക്രമണമുണ്ടായത്.കഴിഞ്ഞ എട്ട് മണിക്കൂറിനുള്ളില്‍ പ്രദേശത്ത് നടക്കുന്ന രണ്ടാമത്തെ സ്‌ഫോടനമാണിത്.സ്‌ഫോടനത്തില്‍ ആളപായങ്ങളൊന്നും റിപ്പോര്‍ട്ട് ചെയ്തിട്ടില്ല. ജമ്മു കാശ്മീര്‍ പൊലീസും മറ്റ് സുരക്ഷാ സേനകളും സ്ഥലത്തെത്തിയിട്ടുണ്ട്. ബുധനാഴ്ച രാത്രി 10:45 ഓടെ ഡൊമെയില്‍ ചൗക്കിലും സമാനമായ രീതിയില്‍ സ്‌ഫോടനമുണ്ടായിരുന്നു. ആക്രമണത്തില്‍ രണ്ട് പേര്‍ക്ക് പരിക്കേറ്റു.
