ആറ്റിങ്ങല്‍: നിയന്ത്രണം വിട്ട സ്വകാര്യ ബസ് യാത്രക്കാരുമായി തെങ്ങില്‍ ഇടിച്ചു നിന്നു. മേലാറ്റിങ്ങല്‍ പേരാണം ക്ഷേത്രത്തിന് സമീപം ഇന്നലെ വൈകിട്ട് നാലരയോടെയാണ് അപകടം.അറ്റിങ്ങലിലേക്ക് യാത്രക്കാരുമായി വരികയായിരുന്ന ബസ് എതിര്‍ ദിശയില്‍ നിന്ന് വന്ന കാറില്‍ ഇടിക്കാതിരിക്കാന്‍ വെട്ടിച്ചപ്പോള്‍ നിയന്ത്രണം വിട്ട് മതിലിലും തെങ്ങിലും ഇടിച്ചു നില്‍ക്കുകയായിരുന്നു. തെങ്ങില്‍ ഇടിച്ചു നിന്നില്ലായിരുന്നെങ്കില്‍ സമീപത്തെ വീടും ബസ് തകര്‍ക്കുമായിരുന്നു. അപകട സമയത്ത് ബസില്‍ മുപ്പതോളം യാത്രക്കാര്‍ ഉണ്ടായിരുന്നു.യാത്രക്കാര്‍ക്ക് നിസാര പരിക്കേറ്റു.
