കല്‍പ്പറ്റ: കാട്ടുപന്നി കുറുകേ ചാടിയതിനെത്തുടര്‍ന്ന് ഓട്ടോറിക്ഷ നിയന്ത്രണംവിട്ടു മറിഞ്ഞ് നാലര വയസുകാരന്‍ മരിച്ചു.ഓടത്തോടിലെ ഷമീര്‍-സുബൈറ ദമ്പതികളുടെ മകന്‍ മുഹമ്മദ് യാമിനാണു മരിച്ചത്. മേപ്പാടി-വടുവന്‍ചാല്‍ റോഡിലെ നെടുങ്കരണയില്‍ ഇന്നലെ രാത്രി 9.30 നായിരുന്നു അപകടം. ഓട്ടോയിലുണ്ടായിരുന്ന സുബൈറയ്ക്കും മറ്റൊരു മകനായ മുഹമ്മദ് അമീനും പരിക്കേറ്റു. ഇവരെ മേപ്പാടി ഡോ. മൂപ്പന്‍സ് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
