കല്ലുവാതുക്കല്‍: സ്കൂട്ടറിന് പിന്നില്‍ ടിപ്പര്‍ ലോറി ഇടിച്ചു വീട്ടമ്മ മരിച്ചു. സ്കൂട്ടറില്‍ യാത്ര ചെയ്തിരുന്ന വര്‍ക്കല ശ്രീനിവാസപുരം എംജെ മന്‍സിലില്‍ നാസറിന്‍റെ ഭാര്യ നസീമ (53 ) യാണ് മരിച്ചത്.ദേശീയപാതയില്‍ കല്ലുവാതുക്കല്‍ ജംഗ്ഷന് സമീപം ഉച്ചയ്ക്ക് 12 ന് കൊല്ലത്തു നിന്ന് ദേശീയപാത വഴി വര്‍ക്കലയിലേക്ക് പോകവെയാണ് അപകടം സംഭവിച്ചത്.ഉടന്‍ തന്നെ നസീമയെ നാട്ടുകാര്‍ പാരിപ്പള്ളി മെഡിക്കല്‍ കോളജില്‍ എത്തിച്ചെങ്കിലും ചികിത്സയില്‍ കഴിയവെ രാത്രി മരിക്കുകയായിരുന്നു. മൃതദേഹം പാരിപ്പള്ളി മെഡിക്കല്‍ കോളജ് മോര്‍ച്ചറിയില്‍ സൂക്ഷിച്ചിരിക്കുകയാണ്.
