കത്തിക്കരിഞ്ഞ കാറിനുള്ളില് യുവാവ് മരിച്ച നിലയില്. കുട്ടനാട്ടിലെ തായങ്കരി ബോട്ട് ജെട്ടി റോഡില് പാര്ക്ക് ചെയ്തിരുന്ന കാറാണ് കത്തിയത്.എടത്വ സ്വദേശി ജയിംസ്കുട്ടിയുടേതാണ് കാര്. മൃതദേഹം പൂര്ണമായി കത്തിക്കരിഞ്ഞ നിലയിലാണ്.
ഇന്ന് പുലര്ച്ചെ നാലരയോടെയാണ് കാര് കത്തിയത്. തകഴിയില് നിന്നെത്തിയ അഗ്നിശമന സേന തീയണച്ചു കഴിഞ്ഞപ്പോഴാണ് ഉള്ളില് മൃതദേഹം കണ്ടെത്തിയത്. കാര് പൂര്ണമായി കത്തി നശിച്ചു.
