തിരുവനന്തപുരം: ഇന്ത്യൻ പ്ലമ്പിംഗ് അസോസിയേഷൻ്റെ സ്റ്റുഡൻ്റ് ചാപ്റ്റർ സ്ഥാപിച്ചു കൊണ്ട് കേരളത്തിലെ ആദ്യത്തെ ആർക്കിടെക്ചർ കോളജായി മരിയൻ കോളജ് ഓഫ് ആർക്കിടെക്ചർ ആൻഡ് പ്ലാനിങ് (എം. ക്യാപ്പ്) ശ്രദ്ധേയമായ നാഴികക്കല്ല് സൃഷ്ടിച്ചു.
ഇന്ത്യൻ പ്ലമ്പിംഗ് അസോസിയേഷൻ തിരുവനന്തപുരം ചാപ്റ്റർ ചെയർമാൻ റെന്നി കോയിപ്പുറമാണ് വിദ്യാർത്ഥി ചാപ്റ്റർ ഔദ്യോഗികമായി ഉദ്ഘാടനം ചെയ്തത്. പ്രൊഫഷണൽ വളർച്ചയും സഹകരണവും പ്രോത്സാഹിപ്പിക്കുന്നതിനുള്ള യാത്രയുടെ തുടക്കമെന്നോണം , ഉദ്ഘാടനത്തിന് ശേഷം, പുതുതായി നിയമിതരായ ചാപ്റ്റർ ഭാരവാഹികൾ സത്യപ്രതിജ്ഞ ചെയ്തു.
എം ക്യാപ്പിന്റെ ഈ ശ്രമം വാസ്തുവിദ്യാ വിദ്യാഭ്യാസത്തിൽ ഒരു മാതൃക സൃഷ്ടിക്കുക മാത്രമല്ല, വ്യവസായവുമായി ബന്ധപ്പെട്ട വൈദഗ്ധ്യവും പ്രൊഫഷണൽ വികസനത്തിനുള്ള അവസരങ്ങളിൽ വിദ്യാർത്ഥികളെ സജ്ജമാക്കുന്നതിനുള്ള കോളേജിൻ്റെ സമർപ്പണവും ഉയർത്തിക്കാട്ടുന്നു.
