കറാച്ചി : പാകിസ്ഥാനില്‍ ബലൂചിസ്ഥാനിലെ ടര്‍ബാത്ത് ഫുട്ബോള്‍ സ്റ്റേഡിയത്തിന് സമീപം ബോംബ് സ്‌ഫോടനം. സ്‌ഫോടനത്തില്‍ പൊലീസുകാരന്‍ ഉള്‍പ്പെടെ മൂന്ന് പേര്‍ക്ക് പരിക്കേറ്റു. ശനിയാഴ്ച സ്റ്റേഡിയത്തിന്റെ പാര്‍ക്കിംഗ് ഏരിയയിലുണ്ടായിരുന്ന ഒരു ബൈക്കില്‍ ഘടിപ്പിച്ചിരുന്ന ബോംബാണ് പൊട്ടിത്തെറിച്ചത്. നിരവധി വാഹനങ്ങള്‍ തകര്‍ന്നു. സംഭവ സമയം സ്റ്റേഡിയത്തില്‍ പ്രാദേശിക ഫുട്ബോള്‍ മത്സരം നടക്കുകയായിരുന്നു. സ്റ്റേഡിയത്തിനകത്തുണ്ടായിരുന്ന എല്ലാവരും സുരക്ഷിതരാണെന്ന് അധികൃതര്‍ അറിയിച്ചു.
