വണ്ടിപ്പെരിയാര്‍ : വാളാടിക്ക് സമീപമുണ്ടായ വാഹനാപകടത്തില്‍ രണ്ടുപേര്‍ക്ക് പരുക്കേറ്റു.വണ്ടിപ്പെരിയാര്‍ വാളാടി ജംഗ്ഷനില്‍ കുമളിയില്‍ നിന്നും വണ്ടിപ്പെരിയാറിലേക്ക് വരികയായിരുന്ന കാറ് ജംഗ്ഷനു സമീപമുള്ള കടയില്‍ സാധനം വാങ്ങാന്‍ നിര്‍ത്തിയ ബൈക്കില്‍ ഇടിച്ചാണ് അപകടം ഉണ്ടായത്.ബൈക്ക് യാത്രക്കാരന്‍ കറുപ്പുപാലം സ്വദേശി അജേഷ് (32) ,വാളാടി പുതുപ്പറമ്ബില്‍ വീട്ടില്‍ നസീര്‍ (58) എന്നിവര്‍ക്കാണ് പരിക്കേറ്റത് .ബൈക്കില്‍ ഇടിച്ചശേഷം നിര്‍ത്താതെ പോയ കാര്‍ പൊലീസും നാട്ടുകാരും പിന്തുടര്‍ന്നാണ് പിടികൂടിയത്പരിക്കേറ്റവരെ വണ്ടിപ്പെരിയാര്‍ സര്‍ക്കാര്‍ ആശുപത്രിയില്‍ പ്രാഥമിക ചികിത്സക്ക് ശേഷം കുമളിയില്‍ സ്വകാര്യ ആശുപത്രിയില്‍ പ്രവേശിപ്പിച്ചു.
