അടിമാലി: അയല്‍വാസിയെ കുത്തിക്കൊലപ്പെടുത്തി യുവാവ്. തുമ്ബിപ്പാറകുടി സ്വദേശി വെള്ളാരംപാറയില്‍ റോയി ആണ് കൊല്ലപ്പെട്ടത്.അതിര്‍ത്തി തര്‍ക്കത്തെ തുടര്‍ന്നാണ് അക്രമം. സംഭവത്തില്‍ മൂരിപ്പാറയില്‍ ശശിയെ അടിമാലി പൊലീസ് അറസ്റ്റ് ചെയ്തു.റോയിയും ശശിയും അയല്‍വാസികളാണ്. സ്ഥലത്തിന്റെ അതിര്‍ത്തിയുമായി ബന്ധപ്പെട്ട തര്‍ക്കം ഇരുവര്‍ക്കും ഇടയില്‍ ദീര്‍ഘനാളായി നിലനിന്നിരുന്നു. പലപ്പോഴും സംഘര്‍ഷം ഉണ്ടാവുകയും ചെയ്തിട്ടുണ്ട്. ഇന്നലെ വൈകിട്ട് മദ്യപിച്ചെത്തിയ ശശി വീണ്ടും സ്ഥലത്തിന്റെ അതിര്‍ത്തിയുമായി ബന്ധപ്പെട്ട വിഷയത്തില്‍ റോയിയുമായി തര്‍ക്കത്തില്‍ ഏര്‍പ്പെട്ടു. തുടര്‍ന്ന് ശശി കൈയില്‍ കരുതിയിരുന്ന കത്തി ഉപയോഗിച്ച്‌ റോയിയുടെ നെഞ്ചില്‍ കുത്തുകയായിരുന്നുവെന്ന് പൊലീസ് പറഞ്ഞു.
