തിരുവനന്തപുരം: തിരുവനന്തപുരം ശ്രീകാര്യത്ത് കെഎസ്‌ആര്‍ടിസി ബസിടിച്ച്‌ സ്കൂട്ടർ യാത്രക്കാരന് ദാരുണാന്ത്യം. ശ്രീകാര്യം വെഞ്ചാവോട് സ്വദേശി സെല്‍വൻ (68) ആണ് മരിച്ചത്.ഇന്ന് പുലര്‍ച്ചെ 5.30 ന് ശ്രീകാര്യം ഇളംകുളത്ത് തിരുവനന്തപുരത്ത് നിന്ന് കോഴിക്കോട്ടേയ്ക്ക് പോയ കെഎസ്‌ആര്‍ടിസിയുടെ സൂപ്പർഫാസ്റ്റ് ബസ് ഇടിച്ചാണ് അപകടം നടന്നത്.ഉടൻ തന്നെ ശ്രീകാര്യം പൊലീസ് സെല്‍വനെ മെഡിക്കല്‍ കോളേജിലെത്തിച്ചെങ്കിലും രക്ഷിക്കനായില്ല. പാല്‍ വില്‍പനക്കാരനാണ് മരിച്ച സെല്‍വൻ. മൃതദേഹം മെഡിക്കല്‍ കോളേജ് മോര്‍ച്ചറിയിലേക്ക് മാറ്റി.
