പത്തനംതിട്ട: രാത്രി ഉച്ചത്തില്‍ പാട്ട് വെച്ചതിന് അയല്‍വാസിയെ വീട്ടില്‍ കയറി വെട്ടി യുവാവ്. പത്തനംതിട്ട ഇളമണ്ണൂരില്‍ ഇന്നലെ രാത്രിയായിരുന്നു സംഭവം.കണ്ണന്‍ എന്നയാളെയാണ് വെട്ടിയത്. സംഭവത്തില്‍ ഇളമണ്ണൂര്‍ സ്വദേശി സന്ദീപിനെ പൊലീസ് കസ്റ്റഡിയിലെടുത്തു. തലയ്ക്കും ചെവിയ്ക്കും പരിക്കേറ്റ കണ്ണന്‍ അടൂര്‍ താലൂക്ക് ആശുപത്രിയില്‍ ചികിത്സയിലാണ്. കണ്ണന്‍ വീട്ടില്‍ ഉച്ചത്തില്‍ പാട്ടുവെച്ചതാണ് സന്ദീപിനെ പ്രകോപിപ്പിച്ചത്. തുടര്‍ന്ന് കണ്ണനുമായി തര്‍ക്കമുണ്ടാവുകയും ആക്രമിക്കുകയുമായിരുന്നുവെന്ന് പോലീസ് പറഞ്ഞു.
