ഹുബ്ബള്ളി: പ്രണയാഭ്യർത്ഥന നിരസിച്ച ദേഷ്യത്തില്‍ 20കാരിയെ യുവാവ് കുത്തിക്കൊന്നു. കർണാടകയിലെ ഹുബ്ബള്ളിയിലെ വീരാപൂർ ഓനിയിലാണ് സംഭവം.അഞ്ജലി അംബിഗർ എന്ന യുവതിയാണ് കൊല്ലപ്പെട്ടത്. പുലർച്ചെ പെണ്‍കുട്ടി വീട്ടില്‍ ഉറങ്ങുമ്ബോഴായിരുന്നു ക്രൂര ആക്രമണം.
പ്രദേശത്തെ ഓട്ടോ ഡ്രൈവറായ ഗിരീഷ് സാവന്ത് എന്നയാളാണ് പ്രതി. പുലർച്ചെ യുവതിയുടെ വീട്ടിലെത്തിയ ഇയാള്‍ വാതിലില്‍ മുട്ടി. വാതില്‍ തുറന്നത് അഞ്ജലിയുടെ സഹോദരിയായിരുന്നു. ഇവരെ തള്ളിമാറ്റി അകത്തുകയറിയ പ്രതി ഉറങ്ങിക്കിടക്കുകയായിരുന്ന അഞ്ജലിയുടെ വയറ്റിലും കഴുത്തിലും കുത്തി. തുടർന്ന് ഓടിരക്ഷപ്പെടുകയും ചെയ്തു.ബെണ്ടിഗേരി പൊലീസാണ് സംഭവത്തില്‍ അന്വേഷണം നടത്തുന്നത്.
