വെഞ്ഞാറമൂട്: കാറും ബൈക്കും കൂട്ടിയിടിച്ചുണ്ടായ അപകടത്തില്‍ പരിക്കേറ്റ് ചികിത്സയിലായിരുന്ന യുവാവ് മരിച്ചു.ബൈക്ക് യാത്രക്കാരനായ വാമനപുരം കുറ്ററ താന്നിവിള വീട്ടില്‍ നിജാസ്(46) ആണ് മരിച്ചത്.
വാമനപുരത്ത് വച്ച്‌ കഴിഞ്ഞ വെള്ളിയാഴ്ച രാത്രി എട്ടിനായിരുന്നു അപകടം നടന്നത്. ജംഗ്ഷനു സമീപമുള്ള പമ്പില്‍ നിന്നും ബൈക്കില്‍ പെട്രോള്‍ നിറച്ച്‌ റോഡിലേക്കിറങ്ങുന്നതിനിടയില്‍ കിളിമാനൂര്‍ ഭാഗത്തേക്ക് പോവുകയായിരുന്ന കാര്‍ ഇടിക്കുകയായിരുന്നു. സ്ഥലത്തെത്തിയ നാട്ടുകാര്‍ പരിക്കേറ്റയാളെ തിരുവനന്തപുരം മെഡിക്കല്‍ കോളജാശുപത്രിയില്‍ പ്രവേശിപ്പിച്ചു. ഇവിടെ ചികിത്സയിലിരിക്കെ ഇന്നലെ പുലര്‍ച്ചയോടെ മരണം സംഭവിക്കുകയായിരുന്നു.പോസ്റ്റുമോര്‍ട്ടത്തിനു ശേഷം മൃതദേഹം ബന്ധുക്കള്‍ക്ക് കൈമാറി.
