കണ്ണനല്ലൂർ: നിരവധി മോഷണക്കേസിലെ പ്രതി മിയ്യണ്ണൂർ ശാസ്താംപൊയ്ക ഇടയിലെഴികത്ത് പുത്തൻ വീട്ടില്‍ പാച്ചാളം എന്ന അഭിലാഷ് (32) പിടിയിലായി.ജില്ലയിലെ വിവിധ സ്റ്റേഷനുകളില്‍ ഇയാള്‍ക്കെതിരെ നിരവധി കേസുകളുണ്ട്. അസീസിയ മെഡിക്കല്‍ കോളജ് ആശുപത്രിയിലെ അക്കാദമിയിലെ ഗോഡൗണില്‍നിന്ന് നവംബർ 25ന് 4.5 ലക്ഷം രൂപ വിലമതിക്കുന്ന ഇലക്‌ട്രിക് പ്ലമ്ബിങ് സാധനങ്ങളും ചെമ്ബ് കമ്ബിയും മോഷണം പോയ കേസില്‍ നടത്തിയ അന്വേഷണത്തിലാണ് കണ്ണനല്ലൂർ പൊലീസിന്‍റെ പിടിയിലായത്.
ചാത്തന്നൂർ എ.സി.പി. ഗോപകുമാറിന്‍റെ നിർദേശത്തില്‍ കണ്ണനല്ലൂർ ഐ.എസ്.എച്ച്‌. ഒ രാജേഷിന്‍റെ നേതൃത്വത്തില്‍ എസ്.ഐമാരായ ജിബി, ഹരി സോമൻ, രാജേന്ദ്രൻ പിള്ള സി.പി.ഒ മാരായ നുജുമുദ്ദീൻ, സുദി, പ്രമോദ്, ഷാനവാസ് തുടങ്ങിയവർ നടത്തിയ പരിശോധനയില്‍ ലഭിച്ച പ്രതിയുടെ സി.സി.ടി.വി ദൃശ്യങ്ങള്‍ പിന്തുടർന്ന് നടത്തിയ അന്വേഷണത്തിലാണ് പ്രതി പിടിയിലായത്.
