തിരുവനന്തപുരം: ആനയറ കല്ലുമൂട്ടിലെ വീട്ടില്‍ നിന്നും മൊബൈല്‍ മോഷ്ടിച്ച പ്രതിയെ മണിക്കൂറുകള്‍ക്കുള്ളില്‍ പിടികൂടി പേട്ട പൊലീസ്.നെടുമങ്ങാട്, മഞ്ച പേരുമല നാരകത്തിന്റെ വിള പുത്തന്‍വീട്ടില്‍ ഗണേശ് (36)നെയാണ് അറസ്റ്റ് ചെയ്തത്. ശനിയാഴ്ച പുലര്‍ച്ചെ അഞ്ചിനായിരുന്നു മോഷണം. ആനയറ കല്ലുമ്മൂട്ടില്‍ വിജിത്തിന്റെ വീട്ടില്‍ ജനാലയ്ക്ക് സമീപം സൂക്ഷിച്ചിരുന്ന വില പിടിപ്പുള്ള മൊബൈല്‍ ഫോണ്‍ പ്രതി മോഷ്ടിച്ചെടുത്ത് കടന്നു കളയുകയായിരുന്നു. പരാതി ലഭിച്ചയുടന്‍ പൊലീസ് നടത്തിയ ഊര്‍ജ്ജിതമായ അന്വേഷണത്തില്‍ പേട്ട റെയില്‍വേ സ്റ്റേഷനില്‍ നിന്നാണ് പ്രതിയെ പിടികൂടിയത്.
