തിരുവനന്തപുരം : കടന്നൽ കുത്തേറ്റ് വയോധിക മരിച്ചു. കഴക്കൂട്ടം മേനംകുളം സ്വദേശി ലീലയാണ് മരിച്ചത്. 70 വയസ്സായിരുന്നു. ഇന്നലെ ഉച്ചയ്ക്കാണ് വീടിന് സമീപത്തെ പുരയിടത്തിൽ വെച്ച് ലീലക്ക് കടന്നലിന്റെ കുത്തേറ്റത്. പശുവിനെ കെട്ടാനെത്തിയതായിരുന്നു ലീല. ഇതിനിടെയാണ് കടന്നൽക്കൂട്ടം ഇളകി വന്ന് കുത്തിയത്. ലീലയെ ഉടനെ കഴക്കൂട്ടം ആശുപത്രിയിലും പിന്നീട് മെഡിക്കൽ കോളജിലും പ്രവേശിപ്പിച്ചെങ്കിലും ചികിത്സയിലിരിക്കെ ഇന്ന് മരിക്കുകയായിരുന്നു.
