മലപ്പുറം: കാറിന്റെ താക്കോല്‍ നല്‍കാത്തതില്‍ പ്രകോപിതനായ മകൻ കാർ കത്തിച്ചതായി പിതാവ്. മലപ്പുറം കൊണ്ടോട്ടിയില്‍ ചൊവ്വാഴ്ച്ച വൈകിട്ടാണ് സംഭവം.നീറ്റാണിമ്മല്‍ സ്വദേശി ഡാനിഷ് മിൻഹാജ് (21)ആണ് താക്കോല്‍ നല്‍കാത്തതിന്റെ പേരില്‍ വീട്ടുപകരണങ്ങളും ഫര്‍ണിച്ചറുകളും തല്ലിത്തകര്‍ത്തശേഷം കാര്‍ പെട്രോള്‍ ഒഴിച്ച്‌ കത്തിച്ചത്. ഡാനിഷ് മിൻഹാജിന് ലെെസന്‍സ് ഉണ്ടായിരുന്നില്ല. ഇതേത്തുടർന്നാണ് പിതാവ് യുവാവിന് കാർ നല്‍കാതിരുന്നത്. പിതാവിന്റെ പരാതിയില്‍ കൊണ്ടോട്ടി പൊലീസ് പ്രതിയെ അറസ്റ്റ് ചെയ്തു.
