കൊച്ചി : രാസലഹരിയുമായി 18കാരിയായ യുവതി അടക്കം നാലുപേര്‍ അറസ്റ്റില്‍. നെടുവന്നൂര്‍ പെരുമ്പാട്ട് വീട്ടില്‍ മുഹമ്മദ് ഷിഹാബുദ്ദീൻ (28), കോട്ടായി അൻഡേത്ത് വീട്ടില്‍ അഖില്‍ (24), എൻ.എ.ഡി നൊച്ചിമ ചേനക്കര വീട്ടില്‍ ഫൈസല്‍ (35), ചൊവ്വര പട്ടൂര്‍കുന്ന്, തച്ചപ്പിള്ളി വീട്ടില്‍ അനഘ (18) തുടങ്ങിയവരെയാണ് കാലടി പോലീസ് അറസ്റ്റ് ചെയ്തത്. വെള്ളിയാഴ്ച ഉച്ച കഴിഞ്ഞ് പോലീസ് സംഘം പട്രോളിങ് നടത്തുന്നതിനിടെയാണ് ഇവര്‍ കുടുങ്ങിയത്. ശ്രീമൂലനഗരം കല്ലുംകൂട്ടം ഭാഗത്ത് സംശായാസ്പദമായ രീതിയില്‍ രണ്ട് കാറുകള്‍ നിര്‍ത്തിയിട്ടിരിക്കുന്നത് പരിശോധിച്ചപ്പോഴാണ് ലഹരിമരുന്ന് കണ്ടെത്തിയത്.കാറിന്‍റെ ഡാഷ് ബോര്‍ഡില്‍ നിന്ന് 8.10 ഗ്രാം എംഡിഎംഎ പിടിച്ചെടുത്തു.
