ചാത്തന്നൂര്‍: ലഹരി വില്പന സംഘങ്ങളുടെ കുത്തേറ്റ്, സഹോദരങ്ങളായ ഇടനാട് കൊല്ലായ്ക്കല്‍ ജയിംസ് (45), ബിജോയ് (40) എന്നിവര്‍ക്ക് പരിക്കേറ്റു.കഴിഞ്ഞ ദിവസം രാത്രി പത്തരയോടെ കാരംകോട് ശീമാട്ടി ജംഗഷന് സമീപം പോസ്റ്റ്‌ ഓഫീസിനു മുന്നിലൂടെ കാറില്‍ വീട്ടിലേക്ക് പോകുകയായിരുന്ന ബിനോയിയെ ബൈക്കുകളില്‍ മാരകായുധങ്ങളുമായി
എത്തിയ സംഘം തടഞ്ഞു നിറുത്തി. ബൈക്കുകള്‍ നാല് ചുറ്റും നിറുത്തി
കാറില്‍ ബിനോയിയെ ബന്ദിയാക്കി. കാറില്‍ കയറിയ അക്രമി ബിനോയിയുടെ ഫോണില്‍ നിന്നു സഹോദരനെ വിളിച്ചു. സംഭവമറിഞ്ഞു സ്ഥലതെത്തിയ സഹോദരനെയും ഇവര്‍ മാരകായുധങ്ങളുമായി
ആക്രമിച്ച്‌ കയ്യിലുള്ള സ്വര്‍ണവും പണവും തട്ടിയെടുക്കാന്‍ ശ്രമിച്ചു. ഇതു തടഞ്ഞപ്പോഴാണ് കത്തികൊണ്ട് കുത്തി പരിക്കേല്‍പ്പിച്ചത്. സംഭവമറിഞ്ഞെത്തിയ പൊലീസ് ഇരുവരെയും കൊട്ടിയത്തെ സ്വകാര്യ ആശുപത്രിയില്‍ എത്തിച്ചു. പ്രതികളുടേതെന്നു സംശയിക്കുന്ന ഒരു ബൈക്ക് കസ്റ്റഡിയിലെടുത്തു.
