തിരുവനന്തപുരം: തിരുവനന്തപുരത്ത് തൊണ്ടയില്‍ മുലപ്പാല്‍ കുടുങ്ങി പിഞ്ചുകുഞ്ഞ് മരിച്ചു. ബാലരാമപുരം പള്ളിച്ചല്‍ വയലിക്കട പുത്തന്‍ വീട്ടില്‍ വാടകയ്ക്ക് താമസിക്കുന്ന ജിനിമോള്‍ – ജയകൃഷ്ണന്‍ ദമ്പതികളുടെ മൂന്നുമാസം പ്രായമുള്ള മകന്‍ ജിതേഷ് ആണ് മരിച്ചത്.ഇവരുടെ ഏകമകനായിരുന്നു. ഞായറാഴ്ച രാത്രി 10 മണിയ്ക്ക് കുട്ടിയെ അമ്മ ജിനിമോള്‍ മുലപാല്‍ കൊടുത്ത് കട്ടിലില്‍ ഉറക്കാന്‍ കിടത്തിയതായിരുന്നു.തിങ്കളാഴ്ച പുലര്‍ച്ചെ നാലുമണിയോടെ കുഞ്ഞ് അനക്കമില്ലാതെ കിടക്കുന്നത് അച്ഛന്റെ ശ്രദ്ധയില്‍പ്പെടുകയായിരുന്നു. ഉടന്‍ കുട്ടിയെ ബാലരാമപുരത്തെ സ്വകാര്യ ആശുപത്രിയില്‍ എത്തിക്കുകയും പള്‍സ് കുറവായതിനാല്‍ കുഞ്ഞിനെ എസ്‌എടി ആശുപതിയിലേക്ക് കൊണ്ടുപോകാന്‍ ഡോക്ടര്‍ നിര്‍ദേശിച്ചു. പുലര്‍ച്ചെ 5:30 ഓടെ കുഞ്ഞിനെ എസ്‌എടി ആശുപത്രിയിലെത്തിച്ച്‌ ഡോക്ടര്‍ പരിശോധിച്ചപ്പോഴാണ് കുഞ്ഞ് മരണപ്പെട്ടതായി വ്യക്തമായത്.
