കിളിമാനൂര്‍:ബിവറേജസ് കോര്‍പ്പറേഷനില്‍ അതിക്രമം കാട്ടുകയും വനിതാ ജീവനക്കാരെയുള്‍പ്പടെ ആക്രമിക്കുകയും ചെയ്ത കൊലക്കേസിലെ പ്രതി അറസ്റ്റില്‍.പഴയകുന്നുമ്മല്‍ ഇരപ്പില്‍ അഥീന ഹൗസില്‍ ഷഹീന്‍ ഷാണ് (30) അറസ്റ്റിലായത്.ശനിയാഴ്ച രാത്രിയിലാണ് സംഭവം.കിളിമാനൂരിലെ ബിറേജസ് ഔട്ട്‌ലെറ്റിലെത്തിയ പ്രതി ക്യൂവില്‍ നില്‍ക്കാത്തതിനെത്തുടര്‍ന്ന് ചോദ്യം ചെയ്ത വനിതാ ജീവനക്കാരെ ഉള്‍പ്പെടെഅസഭ്യം പറയുകയും അക്രമിക്കുകയും ജീവനക്കാരുടെ ജോലി തടസപ്പെടുത്തുകയും കമ്ബ്യൂട്ടറും മദ്യക്കുപ്പികളും നശിപ്പിക്കുകയായിരുന്നു.തുടര്‍ന്ന് ജീവനക്കാര്‍ അറിയിച്ചതിനെ തുടര്‍ന്ന് പൊലീസ് സ്ഥലത്തെത്തി ഇയാളെ കസ്റ്റഡിയിലെടുക്കുകയായിരുന്നു.2010ല്‍ കിളിമാനൂര്‍ സ്റ്റേഷന്‍ പരിധിയില്‍പ്പെട്ട കൊലപാതക കേസിലെ പ്രതിയാണ് ഇയാള്‍.
