കാബൂൾ : കാബൂളിലെ പള്ളിയില്‍ വന്‍സ്‌ഫോടനം . കാബൂളിലെ സര്‍ ഇ കോട്ടല്‍ ഖൈര്‍ഖാനായിലെ പള്ളിയിലാണ് സ്‌ഫോടനം ഉണ്ടായത്.സംഭവത്തില്‍ 21 പേര്‍ കൊല്ലപ്പെട്ടെന്നാണ് റിപ്പോര്‍ട്ടുകള്‍. നിരവധി പേര്‍ക്ക് പരിക്കേറ്റിട്ടുണ്ടെന്നാണ് പ്രാഥമിക നിഗമനം.പ്രാര്‍ത്ഥനയ്ക്കായി നിരവധി പേര്‍ പള്ളിയില്‍ ഒത്തു കൂടിയിരുന്നു. ഇതിനിടെയായിരുന്നു സ്‌ഫോടനം ഉണ്ടായത്. കാബൂള്‍ സെക്യൂരിറ്റി കമാന്‍ഡ് വക്താവ് ഖാലെജ് സദ്രാന്‍ ആണ് സ്‌ഫോടന വിവരം പുറത്തുവിട്ടത്. സംഭവ സ്ഥലത്തേക്ക് സുരക്ഷാ ഉദ്യോഗസ്ഥര്‍ പുറപ്പെട്ടതായും അദ്ദേഹം വ്യക്തമാക്കി.പ്രദേശത്ത് രക്ഷാ പ്രവര്‍ത്തനങ്ങള്‍ പുരോഗമിക്കുകയാണ്. സ്‌ഫോടനത്തിന്റെ ആഘാതത്തില്‍ മസ്ജിദ് പൂര്‍ണമായും തകര്‍ന്നു.
