പത്തനംതിട്ട: കർക്കിടക മാസ പൂജകള്‍ക്കായി ശബരിമല ക്ഷേത്രനട ഇന്ന് തുറക്കും. വൈകിട്ട് അഞ്ച് മണിക്കാണ് നട തുറക്കുന്നത്.തന്ത്രി കണ്ഠര് മഹേഷ് മോഹനരുടെ സാന്നിധ്യത്തില്‍ മേല്‍ശാന്തി മഹേഷ് നമ്ബൂതിരി നട തുറന്ന് ദീപം തെളിയിക്കും. ഉപദേവതാ നടകളില്‍ ദീപം തെളിയിച്ച്‌ ആഴിയില്‍ അഗ്നി പകർന്നതിന് ശേഷമാണ് ഭക്തരെ ദർശനത്തിന് അനുവദിക്കുന്നത്.കർക്കിടക മാസ പൂജകള്‍ക്കായി നട തുറക്കുന്നതിനാല്‍ ഇന്ന് പ്രത്യേക പൂജകള്‍ ഉണ്ടാകില്ല. കർക്കിടകം ഒന്നായ നാളെ പുലർച്ചെ അഞ്ച് മണിക്ക് നട തുറക്കും. 20-ന് രാത്രി 10 മണിക്കാണ് നട അടയ്‌ക്കുന്നത്. വെർച്വല്‍ ക്യൂ വഴി ബുക്ക് ചെയ്ത തീർത്ഥാടകർക്ക് ദർശനം നടത്താം.
