കൊല്ലം: ബസ് യാത്രയ്ക്കിടെ വീട്ടമ്മയുടെ ബാഗില്‍ നിന്ന് പണം മോഷ്ടിക്കാന്‍ ശ്രമിച്ച തമിഴ്‌നാട് സ്വദേശിനിയെ യാത്രക്കാര്‍ പിടികൂടി പൊലീസിന് കൈമാറി.കോയമ്പത്തൂര്‍, മാരിയമ്മന്‍ കോവിലിന് സമീപം ഉഷയെയാണ് (34) കൊല്ലം ഈസ്റ്റ്‌ പൊലീസ് അറസ്റ്റ് ചെയ്തത്.ബുധനാഴ്ച ഉച്ചയ്ക്ക് ചാത്തന്നൂരില്‍ നിന്ന് കൊല്ലത്തേക്ക്‌ പോയ കെ.എസ്.ആര്‍.ടി.സി ബസിലാണ് സംഭവം. ചാത്തന്നൂര്‍ സ്വദേശിയായ നൂര്‍ജഹാന്‍ ചിന്നക്കട ബസ് സ്റ്റാന്‍ഡില്‍ ഇറങ്ങുന്ന സമയം ബാഗിലുണ്ടായിരുന്ന പണം ഇവര്‍ മോഷ്ടിക്കാന്‍ ശ്രമിക്കുകയായിരുന്നു. വീട്ടമ്മ തന്നെ മോഷ്ടാവിനെ പിടികൂടുകയായിരുന്നു.
