ന്യൂഡല്‍ഹി: ജാമിയ നഗറില്‍ സഹോദരങ്ങളായ കുട്ടികളെ ഫാക്ടറിയിലെ തടിപ്പെട്ടിക്കുള്ളില്‍ മരിച്ച നിലയില്‍ കണ്ടെത്തി.കുട്ടികളുടെ പിതാവ് സുരക്ഷാജീവനക്കാരനായി ജോലി ചെയ്യുന്ന ഫാക്ടറിയിലാണ് മൃതദേഹങ്ങള്‍ കണ്ടെത്തിയത്. ഏഴ്, എട്ട് വയസുള്ള കുട്ടികളെയാണ് മരിച്ച നിലയില്‍ കണ്ടെത്തിയത്.തിങ്കളാഴ്ച ഉച്ചയോടെ വീട്ടില്‍ നിന്ന് കാണാതായ കുട്ടികളെ ജോഗാ ബായ് എക്സ്റ്റൻഷനിലെ ഫാക്ടറിക്കുള്ളില്‍ ഇന്ന് മരിച്ച നിലയില്‍ കണ്ടെത്തുകയായിരുന്നു. കുട്ടികളുടെ ശരീരത്തില്‍ പരിക്കുകള്‍ ഇല്ലെന്നും ശ്വാസതടസം മൂലമാണ് ഇവര്‍ മരിച്ചതെന്ന് പ്രാഥമിക പരിശോധനയില്‍ തെളിഞ്ഞതായും പോലീസ് അറിയിച്ചു.
