ചേലക്കര: മകൻ മദ്യലഹരിയില്‍ കല്ലുകൊണ്ട് തലയ്ക്കടിച്ച പിതാവ് മരിച്ചു. ചേലക്കര കുറുമല കോച്ചിക്കുന്ന് നമ്പ്യാത്ത് ചാത്തൻ (80) ആണ് മരിച്ചത്.ഇക്കഴിഞ്ഞ മെയ് 16ന് വൈകീട്ട് ആണ് തര്‍ക്കത്തിനിടെ മകൻ രാധാകൃഷ്ണൻ (53) ക്രൂരമായി മര്‍ദിക്കുകയും കല്ല് കൊണ്ട് തലക്കും ദേഹമാകെയും ഇടിച്ച്‌ പരുക്കേല്‍പ്പിച്ചത്. തുടര്‍ന്ന് അവശ നിലയിലായ നമ്ബ്യാത്ത് ചാത്തൻ ഒരാഴ്ചയോളം മെഡിക്കല്‍ കോളജില്‍ ചികിത്സയിലായിരുന്നു.വീട്ടിലെത്തിച്ച്‌ ചികിത്സ തുടരുന്നതിനിടെയാണ് മരണം.
