കോഴിക്കോട്: വയോധികയുടെ വീട്ടില്‍ കയറി മൊബൈല്‍ ഫോണ്‍ കവര്‍ന്ന കേസില്‍ രണ്ട് പേര്‍ പിടിയില്‍. കണ്ണൂര്‍ സ്വദേശി സയ്യിദ് സഫ്‌നാസ്, മോരിക്കര സ്വദേശി മുഹമ്മദ് റഫീഖ് എന്നിവരാണ് അറസ്റ്റിലായത്.എടക്കാട് മാക്കഞ്ചേരി പറമ്ബിലാണ് മോഷണം നടന്നത്. സംഘം രാവിലെ വയോധികയുടെ വീട്ടില്‍ അതിക്രമിച്ച്‌ കയറുകയായിരുന്നു. പിന്നീട് ഇവരുടെ കണ്ണില്‍ മുളകുപൊടി എറിഞ്ഞ് ഫോണ്‍ കവർന്നശേഷം കടന്നുകളയുകയായിരുന്നു.
സയ്യിദ് സഫ്‌നാസ് ഒന്നര വര്‍ഷം മുന്‍പ് ഈ വീട്ടില്‍ ജോലിക്ക് നിന്നിരുന്നു
