വര്‍ക്കല: വര്‍ക്കല മൈതാനത്ത് മൊബൈല്‍ ഷോപ്പ് കുത്തിത്തുറന്ന് മോഷണം നടത്തിയ സംഘത്തിലെ രണ്ടുപേരെ വര്‍ക്കല പൊലീസ് പിടികൂടി.വര്‍ക്കല രാമന്തളി കനാല്‍ പുറമ്പോക്കില്‍ വിഷ്ണു(28),രാമന്തളി കനാല്‍ പുറമ്പോക്കില്‍ സബീന മന്‍സിലില്‍ അബു എന്ന് വിളിക്കുന്ന അബൂബക്കര്‍(20) എന്നിവരാണ് അറസ്റ്റിലായത്. മൊബൈല്‍ ഷോപ്പ് കുത്തിത്തുറന്ന് 10 മൊബൈല്‍ ഫോണുകളും നിരവധി മെമ്മറി കാര്‍ഡുകളും ടാബും പണവും കവര്‍ച്ച നടത്തിയ കേസിലാണ് പിടിയിലായത്. നിരവധി മോഷണക്കേസുകളില്‍ പ്രതിയായ വിഷ്ണു മോഷണക്കേസില്‍ത്തന്നെ ശിക്ഷ കഴിഞ്ഞ് പുറത്തിറങ്ങിയ ആളാണെന്ന് പൊലീസ് പറഞ്ഞു. കടകള്‍ കുത്തിത്തുറക്കാന്‍ ഉപയോഗിച്ച കമ്പിപ്പാര കണ്ടെടുത്തു. തിരുവനന്തപുരം റൂറല്‍ പൊലീസ് സൈബര്‍ സെല്ലിന്റെ സഹായത്തോടെ നടത്തിയ അന്വേഷണത്തിലാണ് പിടിയിലായത് .
