കോഴിക്കോട്: ആനക്കൊമ്പ് കഷണങ്ങളുമായി യുവാവ് പിടിയില്‍. ആലപ്പുഴ തൊണ്ടംകുളങ്ങര ചെമ്മുകത്ത് ശരത്ത്(35) ആണ് പിടിയിലായത്. ഇയാളുടെ പക്കല്‍ നിന്ന് അഞ്ച് ചെറുകഷണങ്ങളായി മുറിച്ച നിലയില്‍ ആനക്കൊമ്പ് കണ്ടെടുത്തു. വനംവകുപ്പിന്‍റെ ഫ്ലൈയിംഗ് സ്ക്വാഡ് ആണ് കോഴിക്കോട് കെഎസ്‌ആര്‍ടിസി ബസ് സ്റ്റാന്‍ഡില്‍ നിന്ന് പ്രതിയെ പിടികൂടിയത്. രഹസ്യവിവരത്തിന്‍റെ അടിസ്ഥാനത്തില്‍ താമരശേരി ഫ്ലൈയിംഗ് സ്ക്വാഡ് ഉദ്യോഗസ്ഥര്‍ നടത്തിയ തെരച്ചിലിലാണ് ശരത്ത് പിടിയിലായത്. കോഴിക്കോട്ടെ ഒരു ഇടനിലക്കാരന് കൈമാറാനായി ആലപ്പുഴയില്‍ നിന്ന് സുഹൃത്ത് കൊടുത്ത് വിട്ടതാണ് ആനക്കൊമ്പെന്നാണ് ഇയാള്‍ പറയുന്നത്.
