കോട്ടയം: വൈക്കം താലൂക്ക് ആശുപത്രിയില്‍ പോലീസുകാരെ ആക്രമിച്ച്‌ യുവാവ്. കോട്ടയം ബ്രഹ്മമംഗലം സ്വദേശി അനീഷ്കുമാറാണ് വൈക്കം താലൂക്ക് ആശുപത്രിയില്‍ അക്രമം നടത്തിയത്.ഭാര്യയെ ഡോക്ടറെ കാണിക്കാൻ എത്തിയ അനീഷ്കുമാർ ചീട്ട് കിട്ടാൻ വൈകിയതിന് ആദ്യം ആശുപത്രി അധികൃതരെ അസഭ്യം പറഞ്ഞു. പിന്നീട് അസഭ്യം പറഞ്ഞത് ചോദ്യം ചെയ്ത പോലീസുകാരെ ഇയാള്‍ ആക്രമിക്കുകയായിരുന്നു.
ആക്രമണത്തില്‍ പോലീസുകാര്‍ക്ക് പരിക്കേറ്റു. വൈക്കം സ്റ്റേഷനിലെ എഎസ്‌ഐ അല്‍അമീർ, സിവില്‍ പോലീസുകാരൻ, സെബാസ്റ്റ്യൻ എന്നിവർക്കാണ് അക്രമത്തില്‍ പരിക്കേറ്റത്.
തലയ്ക്ക് പരിക്കേറ്റ എഎസ്‌ഐ ആശുപത്രിയില്‍ ചികിത്സ തേടി. സംഭവത്തില്‍ അനീഷ്കുമാറിനെ പോലീസ് കസ്റ്റഡിയിലെടുത്തു.
