കൊച്ചി : ആലുവയില്‍ ട്രെയിനില്‍ നിന്നു വീണു യുവാവിന് പരിക്കേറ്റു. കണ്ണൂര്‍ സ്വദേശി നിധീഷിനാണ് പരിക്കേറ്റത്. തലയ്ക്കു ഗുരുതരമായി പരുക്കേറ്റ നിധീഷിനെ ഗവമെഡിക്കല്‍ കോളജില്‍ പ്രവേശിപ്പിച്ചു. ചൊവ്വാഴ്ച രാത്രി ആലുവ റെയില്‍വേ സ്റ്റേഷനു സമീപമാണ് അപകടം സംഭവിച്ചത്. കോട്ടയത്തു നിന്നു കണ്ണൂരിലേക്കു പോവുകയായിരുന്നു നിധീഷ്. ഇദ്ദേഹം ട്രെയിനിന്‍റെ വാതില്‍ക്കല്‍ നിന്നു യാത്ര ചെയ്യുകയായിരുന്നു എന്ന് റെയില്‍വെ സംരക്ഷണ സേന അറിയിച്ചു.
