ന്യൂ‌ഡല്‍ഹി: ഞായാറാഴ്ച നടന്ന നീറ്റ് പരീക്ഷയില്‍ ആള്‍മാറാട്ടം നടത്തിയ 8 പേരെ സി.ബി.ഐ അറസ്റ്റ് ചെയ്തു. യഥാര്‍ത്ഥ പരീക്ഷാര്‍ത്ഥിയുടെ യൂസര്‍നെയിം,പാസ് വേര്‍ഡ്,ഫോട്ടോ എന്നിവയില്‍ മാറ്റം വരുത്തിയാണ് ദില്ലി, ഹരിയാന എന്നിവിടങ്ങളിലെ പരീക്ഷാകേന്ദ്രങ്ങളില്‍ ഇവര്‍ കയറിക്കൂടിയത്.സുശീല്‍ രഞ്ചന്‍, ബ്രിജ് മോഹന്‍, പാപ്പു, ഉമാ ശങ്കര്‍ ഗുപ്ത, നിധി, കൃഷ്ണ ശങ്കര്‍ ജ്യോതി, സണ്ണി രഞ്ചന്‍,രഘുനന്ദന്‍,ജീപു ലാല്‍, ഹേമേന്ദ്ര, ഭഗത് സിംഗ് എന്നിവര്‍ക്കെതിരെയാണ് എഫ്.ഐ.ആര്‍. രജിസ്റ്റര്‍ ചെയ്തിട്ടുള്ളത്.
