നെയ്യാറ്റിന്‍കര: തിരുവനന്തപുരം നെയ്യാറ്റിന്‍കരയില്‍ ഭര്‍തൃവീട്ടിലെ റൂഫില്‍ യുവതിയെ തൂങ്ങി മരിച്ച നിലയില്‍ കണ്ടെത്തി.നെയ്യാറ്റിന്‍കര മാമ്പഴക്കര വാഴാര്‍ത്തല വീട്ടില്‍ ജിന്‍സി(22) ആണ് മരിച്ച നിലയില്‍ കണ്ടെത്തിയത്. ജിന്‍സിയുടെ മരണത്തിന് കാരണം ഭര്‍ത്താവ് സുധീഷും ബന്ധുവുമാണെന്ന് ബന്ധുക്കള്‍ ആരോപിച്ചു.
ഒരുവര്‍ഷത്തിന് മുമ്പാണ് ഇരുവരും സ്നേഹിച്ച്‌ വിവാഹം കഴിച്ചത്. സ്ത്രീധനം വേണമെന്നാവശ്യപ്പെട്ട് ജിന്‍സിയെ നിരന്തരം പീഡിപ്പിച്ചിരുന്നതായി ബന്ധുക്കള്‍ പറയുന്നു. കൂടുതല്‍ അന്വേഷണം നടത്തണമെന്നും ബന്ധുക്കള്‍ ആവശ്യപ്പെട്ടു. ആര്‍.ഡി.ഒയുടെ സാന്നിധ്യത്തില്‍ ഇന്‍ക്വസ്റ്റ് നടത്തി.
