കുന്ദമംഗലം: കാരന്തൂരില്‍ വാഹനാപകടത്തില്‍ ഒരാള്‍ക്ക് ഗുരുതര പരിക്ക്. ചൊവ്വാഴ്ച രാത്രി എട്ടുമണിക്ക് ശേഷം കാരന്തൂര്‍ തുറയില്‍ കടവിന് സമീപം ദേശീയപാതയിലാണ് അപകടം.ചെലവൂര്‍ ഭാഗത്തേക്ക് പോവുകയായിരുന്ന കാര്‍ കുന്ദമംഗലം ഭാഗത്തേക്ക് പോവുകയായിരുന്ന ബൈക്കില്‍ ഇടിക്കുകയായിരുന്നു. ബൈക്ക് യാത്രക്കാരന്‍ ഭരതന്‍ ബസാര്‍ സ്വദേശി ജംഷീറിന് ഗുരുതര പരിക്കേറ്റു.ഇയാളെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. കാറിലുണ്ടായിരുന്ന കൊടുവള്ളി സ്വദേശി സലീമും ഭാര്യയും കുട്ടിയും നിസ്സാര പരിക്കുകളോടെ രക്ഷപ്പെട്ടു. ബൈക്കില്‍ ഇടിച്ച കാര്‍ നിയന്ത്രണംവിട്ട് റോഡരികില്‍ നിര്‍ത്തിയിട്ട ലോറിയില്‍ ഇടിച്ചാണ് നിന്നത്.
