വെച്ചൂര്‍: കോട്ടയം വെച്ചൂര്‍ , തലയാഴം ഭാഗങ്ങളിലെ ആരാധനാലയങ്ങള്‍ കേന്ദ്രീകരിച്ച്‌ മോഷണം നടത്തിയ കേസില്‍ രണ്ടു പേര്‍ അറസ്റ്റില്‍ .കായംകുളം സ്വദേശികളായ അന്‍വര്‍ ഷാ , സരിത എന്നിവരെയാണ് പൊലീസ് പിടികൂടിയത്.സെപ്റ്റംബര്‍ 24ന് പുലര്‍ച്ചെയാണ് വെച്ചൂരിലെ മൂന്ന് ക്ഷേത്രങ്ങളിലെയും ഒരു പള്ളി കപ്പേളയിലെയും കാണിക്ക വഞ്ചികള്‍ പൊളിച്ച്‌ പണം അപഹരിച്ചത്. ആരാധനാലയങ്ങളിലെ സിസി ടി വിയില്‍ എന്നാല്‍ മോഷണം പതിഞ്ഞു. ഇതില്‍ നിന്നും പ്രതികളുടെ ബൈക്ക് നമ്ബര്‍ ലഭിച്ചതാണ് നിര്‍ണായകമാണ് . തുടര്‍ന്ന് നടത്തിയ അന്വേഷണത്തിലാണ് കായംകുളം സ്വദേശികളായ അന്‍വര്‍ഷാ , സരിത എന്നിവരെ പൊലീസ് പിടികൂടിയത്.കായംകുളം, ഇടുക്കി എന്നിവിടങ്ങളില്‍ അടിപിടി, മോഷണ കേസുകളില്‍ ഇവര്‍ പ്രതികളാണ്. ഇവരില്‍ നിന്ന് പൊലീസ് മോഷണ മുതലും കണ്ടെടുത്തു. വന്‍മോഷണ സംഘത്തിന്‍റെ ഭാഗമാണെന്ന് സംശയിക്കപ്പെടുന്ന ഇവരെ കൂടുതല്‍ ചോദ്യം ചെയ്യും. കോടതി റിമാന്‍ഡ് ചെയ്ത പ്രതികളെ ഉടന്‍ കസ്റ്റഡിയില്‍ വാങ്ങും.
