കൊടുമണ്‍: ഇന്നോവ കാറിടിച്ച്‌ പച്ചക്കറി വ്യാപാരിക്ക് ഗുരുതര പരിക്ക്. തട്ട മങ്കുഴിയില്‍ ഇന്നലെ ഉച്ചക്ക് ഒന്നിനായിരുന്നു അപകടം.തട്ട മങ്കുഴി പെട്രോള്‍ പമ്ബിന് സമീപം പച്ചക്കറി കട നടത്തുന്ന മങ്കുഴി കൃഷ്ണ വിലാസത്തില്‍ ജയമോഹ( 45)നാണ് പരിക്കേറ്റത്. വാരിയെല്ലിന് ഒടിവുണ്ട്. ഇദ്ദേഹത്തെ കോട്ടയം മെഡിക്കേല്‍ കോളേജ് ആശുപത്രിയില്‍ പ്രവേശിപ്പിച്ചു. സ്‌കൂട്ടറില്‍ നിന്ന് ഇറങ്ങി പച്ചക്കറി ചാക്ക് കടയിലേക്ക് എടുത്ത് വെക്കവെ അടൂര്‍ ഭാഗത്തു നിന്നും വന്ന കാര്‍ ഇടിച്ച്‌ തെറിപ്പിക്കുകയായിരുന്നു .ഇടിയുടെ ആഘാതത്തില്‍ വ്യാപാരി സമീപത്തെ വയലിലേക്ക് തെറിച്ചു വീണു. സ്‌കൂട്ടര്‍ തകരുകയും കാര്‍ വയിലേക്ക് മറിയുകയും ചെയ്തു. കാറിന്റെ മുന്‍വശം പൂര്‍ണമായും തകര്‍ന്നു.
