ടെക്സസിൽ ഗർഭിണിയുൾപ്പെടെ മൂന്ന് പെൺകുട്ടികള്‍ വെടിയേറ്റുമരിച്ചു. പെണ്‍കുട്ടികള്‍ക്കുനേരെ വെടിയുതിര്‍ത്ത മുപ്പത്തേഴുകാരന് പിന്നീട് ആത്മഹത്യ ചെയ്തു. ഗലീന പാര്‍ക്കിലെ വസതിയിലാണ് വെടിവയ്പ് നടന്നത്. 3ഉം, 14ഉം, 19ഉം വയസ്സുള്ള മൂന്ന് പെൺകുട്ടികളാണ് മരിച്ചത്. പ്രതിയും വീട്ടില്‍ മരിച്ച നിലയിലായിരുന്നു. വെടിവയ്പ് നടക്കുന്ന സമയത്ത് കുട്ടികളുടെ അമ്മ വീട്ടിലുണ്ടായിരുന്നില്ല. മിസിസിപ്പിയിൽ വെള്ളിയാഴ്ച നടന്ന കൂട്ട വെടിവയ്പിൽ ആറ് പേര് കൊല്ലപ്പെട്ടിരുന്നു. മിഷിഗണ് സ്റ്റേറ്റ് യൂണിവേഴ്സിറ്റിയിൽ നടന്ന വെടിവയ്പിൽ മൂന്ന് പേരും കൊല്ലപ്പെട്ടിരുന്നു.
