കാസര്ഗോഡ്: ഓടിക്കൊണ്ടിരുന്ന കാറിന് തീപിടിച്ച്‌ പൂര്‍ണമായും കത്തി നശിച്ചു. പൊയിനാച്ചി സ്വദേശികളായ കുടുംബം സഞ്ചരിച്ച കാറിനാണ് തീപിടിച്ചത്.കാസര്ഗോഡ് പുല്ലൊടിയില്‍ ആണ് സംഭവം. മാലോത്ത് ഒരു കല്യാണ ചടങ്ങില്‍ പങ്കെടുക്കാനായി പോകുമ്പോഴായിരുന്നു അപകടം സംഭവിച്ചത്. എന്നാല്‍, ഭാഗ്യത്തിന് കാറിലുണ്ടായിരുന്ന അഞ്ച് പേരും രക്ഷപെട്ടു. അപകടത്തില്‍ കാര്‍ പൂര്‍ണമായി കത്തിനശിച്ചു.ബോണറ്റില്‍ നിന്ന് പുക ഉയരുന്നത് കണ്ടപ്പോള്‍ തന്നെ കാര്‍ നിര്‍ത്തി ഇറങ്ങി ഓടിയതിനാലാണ് വന്‍ ദുരന്തം ഒഴിവായത്.
