കൊല്ലം തെന്മലയില്‍ ഡ്രൈ ഡേയില്‍ വില്‍പ്പനയ്ക്കായി സൂക്ഷിച്ച 105 കുപ്പി ഇന്ത്യൻ നിര്‍മ്മിത വിദേശ മദ്യം പിടികൂടി

തെന്മല: കൊല്ലം തെന്മലയില്‍ ഡ്രൈ ഡേയില്‍ വില്‍പ്പനയ്ക്കായി സൂക്ഷിച്ച 105കുപ്പി ഇന്ത്യൻ നിര്‍മ്മിത വിദേശ മദ്യം പിടികൂടി.മദ്യ വില്‍പ്പന നടത്തിയ യുവാവിനെ പൊലീസ് അറസ്റ്റ് ചെയ്തു. റിയ എസ്റ്റേറ്റ് ലയത്തില്‍ താമസിക്കുന്ന 29 വയസുള്ള അച്ചുമോനാണ് അറസ്റ്റിലായത്. രഹസ്യ വിവരത്തെ തുടര്‍ന്ന് നടത്തിയ റെയ്ഡിലാണ് അറസ്റ്റ്.തന്റെ കടയും വീടും ഗോഡൗണാക്കിയായിരുന്നു അച്ചുമോന്റെ അനധികൃത മദ്യ വില്‍പ്പന. അച്ചുമോന്റെ സ്റ്റേഷനറി കടയില്‍ നിന്ന് പൊലീസ് 12 കുപ്പി മദ്യമാണ് പിടികൂടിയത്. ചോദ്യം ചെയ്തതിന് പിന്നാലെ വീട്ടിലെ പരിശോധനയില്‍ കണ്ടെത്തിയത് 93 കുപ്പി മദ്യവും. ബെവ്‌കോ ഔട്ട്‌ലറ്റില്‍ നിന്ന് ഘട്ടംഘട്ടമായി മദ്യം വാങ്ങി സൂക്ഷിച്ച്‌ ഡ്രൈ ഡേയില്‍ വില കൂട്ടി ആവശ്യക്കാര്‍ക്ക് വില്‍ക്കുന്നതാണ് ഇയാളുടെ രീതിയെന്ന് പൊലീസ് പറഞ്ഞു.

You May Also Like

About the Author: Jaya Kesari

Leave a Reply

Your email address will not be published. Required fields are marked *

4 × 2 =