ആലപ്പുഴ : മത്സ്യക്കുളത്തിലെ മോട്ടോറില്‍ നിന്ന് ഷോക്കേറ്റ് യുവാവിന് ദാരുണാന്ത്യം. ആലപ്പുഴ പഴവീട് ചിറയില്‍ രാജന്‍, അനിത ദമ്പതികളുടെ മകന്‍ അഖില്‍ രാജ് (മണികണ്ഠന്‍29) ആണ് മരിച്ചത്.ചെറുതനയില്‍ പാട്ടത്തിനെടുത്ത ഭൂമിയില്‍ സുഹൃത്തുക്കള്‍ക്കൊപ്പം മീന്‍ കൃഷി ചെയ്യുകയായിരുന്നു അഖില്‍. കഴിഞ്ഞ ദിവസം രാവിലെ 8 മണിയോടെ സുഹൃത്തുക്കള്‍ക്കൊപ്പം മീന്‍വളര്‍ത്തു കേന്ദ്രത്തിലെത്തിയ അഖിലിന് മോട്ടോര്‍ പ്രവര്‍ത്തിപ്പിക്കുന്നതിനിടെ ഷോക്ക് ഏല്‍ക്കുകയായിരുന്നു. അഖില്‍ ഷോക്കേറ്റ് മോട്ടോറിന് മുകളിലേക്ക് തന്നെ മറിഞ്ഞ് വീഴുകയായിരുന്നു. ഓടിയെത്തിയ സുഹൃത്തുക്കള്‍ ഉടന്‍ തന്നെ വൈദ്യുതി ബന്ധം വിശ്ചേദിച്ചു ഹരിപ്പാട് താലൂക്ക് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. പിന്നീട് മൃതദേഹം വണ്ടാനം മെഡിക്കല്‍ കോളേജ് ആശുപത്രിയില്‍ എത്തിച്ച്‌ പോസ്റ്റുമോര്‍ട്ടം നടത്തി.
